PUTRAJAYA, Mei 21: Menteri Besai Tun Dr Mahathir Mohamad sehari tu tadi, keterubah endar betemu enggau raban pengereja pengawa Opis Menteri Besai (JPM) kenyau megai perintah pengudah Pakatan Harapan menang ba Pengawa Bepilih Besai ke-14 (PRU14), kena Mei 9.
Tun Mahathir datai urung pukul 8.20 pagi ba Gempuru Mentari Besai Begulai Enggau raban JPM di Dataran Perdana, Perdana Putra.
Gempuru nya tumu agi ari atur selama, iya nya pukul 8.30 pagi, ke alai iya nerima tempik jari lebuh niki ngagai panggau.
“Aku beterima kasih laban ulih sekali agi bejalaika pengawa ngiring menua tu, ” ku Dr Mahathir ngepunka jaku iya.
Sama bisi datai Ketuai Sekretari Menua Tan Sri Dr Ali Hamsa enggau Ketuai Pengarah Servis Pengawa Perintah, Tan Sri Zainal Rahim Seman. — DayakDaily
