DVS deka nganjung baru staf mantu nagang penyakit rabies di S’wak

Dog snout. — DayakDaily.com file pic.// Photo: Pixabay

PUTRAJAYA, Ogos 14: Opis Servis Veterinar (DVS) udah ngambi sekeda atur mantu Perintah Negeri Sarawak nagang penyakit Rabies di negeri nya kenyau ari keterubah ditemu kenyau ari bulan Jun enggau Julai taun siti nyin tadi, ku Ketuai Direktor DVS Datuk Dr Quaza Nizamuddin Hassan Nizam.

Ku iya ba sebengkah penerang kemari, pengawa nagang penyakit Rabies nya deka dipajakka nengah chara nganjung baru raban DVS ke negeri Bumi Kenyalang nya berengkah Ogos 15 tu.

“Sebedau tu bisi 180 iku staf ari Semenanjung Malaysia udah dianjung gawa mantu negeri Sarawak.

“Vaksin Rabies ungkup semua jelu semua nya dibeli DVS sereta diberi ngagai Sarawak bisi RM80,000 nyentuk ke diatu,” ku iya baru nimbal ripot berita ti dibantaika sebengka surat berita menua tu ti madahka Sapit Kepala Ketua Menteri Sarawak Datuk Ammar Douglas Uggah Embas ti madahka nadai bantu ari ejensi Perintah Besai taja pan kes baru Rabies bisi ditemu di negeri nya.

Ku Quaza Nizamuddin, Institut Mansik Jelu (VRI) Ipoh nyadi indu palan meresa ngenukuka utama penyakit ari sampel pala ukui. Peresa Direct Fluorescent Antibody Technique (FAT) enggau Polymerase Chain Reaction (PCR) dipejalaika. Naka ke diatu 620 sampel udah diuji.

Tambah iya baru, pakar ari DVS Malaysia mega udah ke Sarawak mantu dalam program matau enggau ngelangkar strategi tagang ke ngasi sereta nentuka tagang dalam zon tagang enggau zon dalam kandang bungkur penyakit (immune belt)

Ku iya DVS semampai bekerejasama enggau Sarawak nagang penyakit Rabies lalu pengawa nya deka dipajakka. — DayakDaily