Dua iku penchuri kabel dipejamah seraban peranak rumah panjai

Arrest - DayakDaily.com file pic. // Photo: Pixabay

BINTULU, Feb 19: Dua iku penchuri kabel udah dijamah seraban ari peranak rumah panjai di Sungai Setulai diu lemai kemari sebedau diserah ngagai polis.

Urung pukul 1.30 pngalih hari kemari, kedua-dua suspek ti beumur urung 20-an ditangkap maya benung nyinuk ngetak kabel elektrik besemak enggau Rumah Panjai Timban, ditu.

Pengudah ditangkap, peranak dia ti ringat enggau ulah seduai ti ngachau bekal lekterik dia tekachau , lalu nyamah seduai nya sebedau nyerah ngagai polis.

Kepala Polis Pelilih Bintulu, Superitendan Zulkipli Suhaili, madahka seraban pemesai enggau raban ari Opis Nasat Pengawa Jai (JSJ) Bintulu dianjung ngagai palan penyadi pengudah nerima pemadah bekaul kes nya.

“Datai din, kedua-dua suspek udah ditan peranak rumah panjai nya sereta diengkah ba tanju sebuah kerita 4WD sereta dikemata enggauka ngelarika diri ,” ku iya lebuh dikerandau sehari tu.


Kedua-dua suspek nya mega bisi enggau ba pengawa enchuri jelu tupi peranak rumah panjai nya enggau ke ngelingi sebedau tu.

“Kes ditasat nengah Seksyen 379 Kanun Keseksaan atas penyalah enchuri sereta diriman pagi tu ngambika pansik silik ulih dipejalaika,” ku iya. — DayakDaily