KUALA LUMPUR, Feb 14: Menteri ba Opis Menteri Besai Datuk Seri Azalina Othman Said madahka undang-undang nagang berita palesu ba laman internet deka dipejurai ba Kabinet pengudah Taun Baru Cina tu ila.
Penyilik pasal berita palesu nyengkaum ukum ke engkeman ditinggang ngagai penyadung berita palesu entara isi draf ti deka dipejuraika.
Bejaku ba aum media pengudah bejadi ‘Seminar dan Diskusi Khas Hala Tuju Yayasan Bantuan Guaman Kebangsaan (YBGK)’ Azalina madahka bisi sekda orang nyungkit pengawa numbuhka ejensi ke semina beratika berita palesu dikerembai.
Bisi mega sekeda orang nyungkit pasal bida entara berita palesu enggau komen ari mensia mayuh bamedia sosial.
Azalina lebuh mantaika langgur penemu iya, sebedau ngagai renggat ke jauh agi ngaga draf undang-undang, randau deka diatur enggau mayuh bengkah raban nyengkaum NGO, pengari media, ejensi undang-undang sereta ketuai raban bansa bekaul enggau undang-undang berita palesu nya. — DayakDaily
