KUCHING, Feb 14: Kepala Menteri Datuk Patinggi Abang Johari Tun Openg ke mega Chairman Barisan Nasional (BN) Sarawak udah bisi formula kediri dikena ngemujurka pelin kerejasama entara Parti Rakyat Sarawak (UPP) enggau Parti Rakyat Bersatu Sarawak (SUPP), pia ku Sapit Presiden UPP Datuk Dr Jerip Susil.
Ku iya, UPP deka nganti perintah ari Kepala Menteri bekerejasama enggau SUPP nyerumba Pengawa Bepilih Besai Ke-14 (PRU14) ila.
“Kami meseti nganti perintah ari iya.
“Utai ke disebut Abang Johari, UPP meseti nitihka perintah iya lalu parti deka betemu sereta berandau enggau iya,” ku Jerip.
Iya ke mega Menteri Muda Perengka Pengangkut menambah, nama utai ti dikerunding UPP bepanggai ba utai ke dikerunding Kepala Menteri lalu parti meseti reaktif sereta responsif. — DayakDaily
