SIBU, Feb 14: Sepenyampau 46 pek darah mujur digumpul kenyau tumu pagi kemari ba Program Kimpin Meri Darah Renggat 9 Briged di Orange Zone Star Megamall, ditu kemari.
Program nya diatur Briged Kesemilan Infantri Malaysia (9 Bgd) begulai enggau Unit Tabung Darah Sepital Sibu dikena ngulihka bekal tabung darah Sepital Sibu beserimbai enggau Taun Baru Cina.
Kimpin nya diseretai 60 iku raban 9 Briged.
Dulu ari nya, maya bejadi kimpin meri darah nya disempulang enggau simbolik nyerahka pek darah ari Sapit Komandan Rej 510 (AW), Lt Kol Zakaria Abdul ngagai Pegawai Perubat ari Opis Tabung Darah Sepital Sibu, Dr Cheng Jian Yuan.
Sama bisi datai ngagai Program Meri Darah nya Panglima 9 Bgd, Brigedier Jeneral Dato’ Dzulkafli bin Haji Mustaffa enggau bala pegawai memerintah enggau pemerintah ari baruh pegai 9 Briged. — DayakDaily
