KUCHING, Nov 10: Kaban kunsil besai Parti Pesaka Bumiputera Bersatu (PBB) Dr Nuing Jeluing, udah dipilih nyadi Senator baru ari Sarawak nyilih Datuk Lihan Jok.
Pengawa bepilih nya dipejalaika kemari ba Dewan Kunsil Negeri (DUN) ke alai sida udah milih Dr Nuing menang nengah 69 iti undi ngalahka Nicholas Bawin Anggat ti semina bulih 10 iti undi aja.
Pengawa bepilih nya beguna laban Lihan ke nyadi Senator ba Dewan Negara diatu deka ambis timpuh kena Dis 7, penguda dua penggal (6 taun).
Dr Nuing dichalun Menteri Perengka guna Mensia Mayuh Dato Sri Dr Stephen Rundi Utom (BN-Kemena) lalu disukung Menteri Muda Pekara Korporat Abdullah Saidol (BN-Semop). Baru Bian (PKR-Ba Kelalan) enchalunka Bawin lalu disukung Chong Chieng Jen (DAP-Kota Sentosa).
Dr Rundi, lebuh enchalunka Dr Nuing madahka Dr Nuing kala mangku pengawa ke tinggi lebuh ke gawa ba Shell di Malaysia enggau renggat entarabansa nyengkaum nyadi penyanding penemu kanan penhawa berubat ke sama pamgkat enggau menijar besai sebedau pinchin ba taun 2007.
Dr Nuing mega kala gawa ba mayuh bengkah sepital perintah. Diatu iya bejalaika pengawa berubat kediri di Miri. Dr Nuing mega regas ba politik serera nyadi chairman PBB pampang Kakus kenyau ari taun 2009 enggau kaban kunsil besai PBB kenyau ari taun 2013.
Dr Rundi mega madah ngagai Dewan ke alai Dr Nuing udah nyendiaka diri sereta nulis surat ngagai Dewan nyema dipilih nyadi Senator.
“Mgena peneleba enggau penemu ke dikembuan dalam s vast experience politik, bidang berubat enggau servis profesional ba bidang pengerai, aku pechaya Dr Nuing Jeluing chukup engkeman dipilih nyadi Senator ngarika rayat Sarawak ba Dewan Negara,” ku iya. — DayakDaily
