KUCHING, Nov 10: Datuk Ding Kuong Hing (BN – Meradong) ngenataika langgur penemu ngambika perintah negeri ngubah Institut Pematih Pengajar (IPG) Kampus Rajang nyadi Politeknik tauka Palan Latih Betanam Betupi.
Ku Ding, nya berindik ari IPG Kampus Rajang udah ngtu ngambi nembiak sereta ditutup ngenyit.
“Sinu amat meda bala ti bebendar ngelaban pengawa nutup IPG Kampus Rajang tang sida enggi enda pan nurut aja ke pemutus nya.
“Nya kebuah aku ngenataika langgur penemu ngambika sebuah institut latih ditumbuh awakka kampus ti ngembuan mayuh sejarah ba pelajar nya enda berubah nyadi kampus ke ditinggal pia aja,” ku iya.
Iya munyi nya lebuh Bejuraika Jaku Bajet 2018 ba Aum Kedua Penggal ke-18 Dewan Kunsil Negeri (DUN) Sarawak 2017 sehari tu tadi. — DayakDaily
