PETALING JAYA, Mei 27: Bantu Rayat 1Malaysia (BR1M) deka dibayar ngagai penerima dalam bulan baru sebedau Hari Raya Aidilfitri, pia ku Menteri Wang Lim Guan Eng.
Iya madah ba Twitter penerang sentang agih BR1M ke deka dipadah minggu baru lalu nama nya mega deka ditukar.
Sebedau tu Menteri Besai madah, perintah deka beratika baru pengawa meri BR1M dikena nentuka semina orang ke patut aja nerima.
Taja pia, BR1M ke bisi dalam manifesto Pakatan Harapan (PH) agi meri bantu nya ngagai raban B40.
Naka 31 Mac, Opis Menteri Wang udah ngemendarka 7,084,726 peminta BR1M 2018.
Bantu nya nyengkaum ungkup belanja RM6.12 bilion.
Enti nitihka atur asal, bayar BR1M patut diagih ba bulan baru enggau Ogos. — DayakDaily
