SRI AMAN, Dis 16: Kaban Kunsil Negeri (ADUN) Bukit Begunan Datuk Mong Dagang minta semua bekerejasama enggau raban pengajar di menua pesisir dikena nentuka sekula majak maju sereta ulih besemekih setipak enggau pemansang menua.
Ku iya, perintah udah mayuh mantu nyendiaka kereban sereta perengka guna ke sekula enggau pengajar dikena ngangkatka penyulut sekula.
Iya mega ngarapka semua anang enda ibuhka pelajar sereta ke lalulu bepanggai ba subsidi enggau bantu ari perintah aja.
Ku Mong, apai indai anang enda beratka pelajar anak sida sereta semina ngelempaika tanggungpengawa sida ba pengajar aja.
Anak kita meh ke dikearap ngiring menua jemah ila, ku iya.
Mong mega ngarapka tetiap iku raban pengajar di menua pesisir meretika tranformasi pelajar ke setipak enggau pemansang menua.
Iya bejaku munyi nya lebuh bejadi Program Merarau Sekolah Kebangsaan (SK) Engkeranji di Sri Aman empai lama udah. — DayakDaily
