Bansa Bidayuh dilalau bebendar besemekih enggau etnik bukai

Dr Jerip Susil. — DayakDaily.com file pic

KUCHING, Julai 2: Siku ketuai Sarawak ngelalau raban bansa Bidayuh ngambika bebendar besemekih enggau etnik bukai dalam semua bidang.

Datuk Dr Jerip Susil, Menteri Muda Perengka Pengangkut Sarawak, mega madahka apai indai Bidayuh anang sekali-kali ngambi mudah pekara pelajar anak sida.

Jerip ke mega Kaban Kunsil Negeri Mambong, enda setuju enggau perambu perintah nutup sekula ke nda mayuh nembiak kelebih agi ba kandang menua Bidayuh sereta muji gerempung Bidayuh ti mantah perambu nya.

“Semua gerempung bansa Bidayuh patut negapka kerejasama ke pemaik raban bansa Bidayuh,” ku iya bejaku ba pengerami nyuaka insentif pelajar Gerempung Biperoh Kuching (BAK) enggau nutup festival Gawai ditu malam ensana.

Ba pengerami nya, 37 nembiak ke bulih pemutus ke manah dalam peresa UPSR, PT3, SPM enggau STPM nerima insentif ari raban Biperoh. — DayakDaily