Siku lelaki dijil sereta diukum mata duit ketegal ngembuan dagin jelu siga

Wild piglet. — DayakDaily.com file pic. // Photo: Pixabay

KUCHING, Julai 2: Siku lelaki diukum jil pengelama 6 bulan sereta ukum mata duit RM10, 000 ba Kort Bintulu kemari pengudah ngaku bersalah ngembuan dagin jelu siga.

Opis Kampung Sarawak (JHS) dalam penerang kemari madah, Karim Lidam, 46 taun diukum pengudah tuduh nya dibacha jurujaku kort ba mua Akim Norhamizah Saifuddin.

Nitihka tuduh, iya ditemu ngaga penyalah nya kena Disember 2, 2017 di Pasar Tamu Bintulu ketegal ngembuan 81.2 kg dagin babi kampung enggau 7.7kg dagin rusa nguna sebuah kerita 4WD iya empu.


Ba penyalah nya, tiya dituduh nitihka Seksyen 37(2) Ordinan Nyaga Jelu Siga 1998 ketegal ngembuan dagin jelu siga di Sarawak ke alai penyalah nya tau dijil dua taun sereta ukum mata duit enda ngelui ari RM 25,000.

Prosiding nawa nya udah dipejalaika Pegawai Penawa Opis Akim Sarawak Mohamad Muhaimin Zakaria lalu iya dituduh enda diarika luyar. — DayakDaily