KUCHING, Jan 30: Aum Besai Tiga Taun Sekali Parti Pesaka Bumiputera Bersatu (PBB) ke deka diatur kena Feb 8 nyentuk 12 tu ila beratika sekeda pangku pengawa kanan parti deka diperebutka.
Ku Chairman Komiti Pengawa Bepilih Datuk Amar Mohd Asfia Awang Nassar, dua pangku pengawa Mandal Presiden Kanan Parti deka diperebutka.
Tambah iya,bala ketuai pampang Nembiak enggau Indu nadai diperebutka tang pangku pengawa bukai dalam pampang nya bisi diperebutka.
“Bisi pangku pengawa diperebutka, tang empai temu berapa iku chalun laban kitai empai nerima keretas orang ke dichalun,” ku iya.
Asfia mega madah keretas nyadi chalun deka ditutup pukul 2 ngalihari, Feb 1 ila. — DayakDaily
