Atap semilan pintu rumah panjai di Long Busang tekusai ketegal biau balai

Kelihatan keadaan rumah panjang yang atap diterbangkan oleh angin kencang.

KAPIT, Mei 28: Biau balai ke nyadi ba Pelilih Bukit Mabong kemari udah nerebaika atap beberapa pintu rumah panjai enggau rumah kediri.

Penusah nya nyadi di Long Busang ke sepenyauh urung lapan ngagai semilan jam pejalai nengah jalai darat ari pasar Kapit.

Nitihka padah Sekreteriat Penusah Ngenyit Negeri, bisi semilan pintu rumah panjai ke dituntung penusah nya.

Ku iya, semilan pintu nya diuan urung 65 iku.

Taja pia, nadai penusah bebadi nya diripot nya nyadi ba penusah nya.

Long Busang ulih dilawa nengah jalai kompeni kayu batang ari pasar Kapit. — DayakDaily