SUPP deka betemu enggau semua kaban sebedau nentuka kuing parti nya

Dr Sim Kui Hian. — DayakDaily.com file pic

SIBU, Mei 28: Presiden Parti Sa’ati Rayat Sarawak (SUPP) Datuk Prof Dr Sim Kui Hian, madahka deka parti deka betemu enggau semua kaban dulu di serata negeri sebedau ngaga pemutus nentuka kuing parti nya udah tu ila.

Ku iya, pekara nya beguna amat ngambika sida nemu peragam ati enggau peneka kaban parti sentang parti nya.

Ku Sim, parti nya ukai parti diempu kaban parti tauka presiden aja, nya kebuah pekara nya patut dipejalaika.

Iya madah munyi nya ngagai pemberita sebedau baum betambit pintu enggau lima iku kaban parti nya kemari.

Ba Pengawa Bepilih Besai Ke-14, SUPP udah bediri minta pilih ba 7 kerusi ti diungkupka ngagai parti nya.

Ari 7 kerusi, SUPP semina menang ba sitak Serian aja.

Enam ari tujuh kerusi nya ba kandang mengeri ke tebal diuan raban bansa Cina, ke alai bansa Cina dipeda udah milih DAP ngarika sada sida di Parlimen. — DayakDaily