KUCHING, Ogos 10: Seraban 70 iku pemansik ari Universiti Malaysia Sarawak (Unimas) enggau Sarawak Forestry Corporation (SFC) enggau ba ekspedisi saintifik ba Taman Negara Tanjung Datu sereta Santuari Jelu Siga Samunsam.
Menijar Besai SFC, Oswald Braken madahka ekspedisi pengelama 53 hari nya berengkah ensana betuju ngumpul penerang enggau pelasar pemadahsenta rampa akuatik enggau pemansut ke diatu di kedua-dua kandang nya.
Iya begulai enggau Dekan Fakulti Sains sereta Teknologi Sumber Unimas, Prof Othman Bojo simbolik ngelengkaka pesereta ekspedisi ba laman opis SFC.
Braken madah ekspedisi nya mega betuju mantu pemansang Pelin Besai Ngintu Marin enggau Tebing Pantai Sarawak sereta ngelala enggau aktiviti ekonomi ke tegap ungkup mensia mayuh ba kandang endur nya.
