Randau bekaul kuing pengawa betanam betupi menua deka dikerandau enggau UPM

filephoto DayakDaily.com

PUTRAJAYA, Ogos 10: Sebengkah randau deka dipunka enggau Universiti Putra Malaysia (UPM) bekaul pematut beratika kuing sektor betanam betupi menua jemah ila, pia ku Menteri Betanam Betupi enggau Industri Bumai Datuk Salahuddin Ayub.

Ku iya, randau nya deka ngaul raban ke pemadu tinggi ba opis menteri nya enggau UPM sentang chara UPM ke diatu ulih bejalaika pengawa negapka sektor betupi menua.

UPM, sebedau tu dikelala enggau nama Universiti Pertanian Malaysia maya keteubah ditumbuh, nyadi sebuah institut pelajar ti beratka pengawa betanam betupi.

“Ba pengawa ngangkatka menua nuju era betanam betupi moden, tanggung pengawa UPM deka nyadi pekara ke beguna amat dikena ngemujurka juluk nya,” ku Salahuddin ba sebengkah penerang ensana.
Kemari, Salahuddin diriput bisi mansutka jaku ti madahka Malaysia begunaka sebuah universiti ke ngajar sereta belajara ti fokus ngagai bidang betanam betupi lalu nempa pakar sereta raban graduate ke diguna sektor nya jemah ila. — DayakDaily