64 peratus orang ke naruh duit ba KWSP beumur 54 taun semina bisi duit simpan RM50,000

Stacks of coins. — DayakDaily.com file pic. // Photo: Pixabay

KUALA LUMPUR, Okt 23: Enam puluh empat peratus orang ke nyimpan duit ba Kumpulan Wang Simpanan Pekerja (KWSP) kr beumur 54 taun ngembuan penyampau kurang ari RM50,000 dalam akaun pinchin sida, pia ku ripot opis perangkaan ti dikeluar empai lama udah.

Enti nitihka kira belanja sida RM950 sebulan, duit simpan KWSP nya semina ulih betan pengelama empat taun pengudah sida pinchin (RM950 penyampau minimum pinchin ungkup sektor perintah ke dikena KWSP nyadika penyukat dikena ngembing orang ke naruh duit dia).

Berindik ari pekara nya ti balat ngirauka ati, KWSP meransang Generasi Y (21-35 taun) enggau Generasi Z (16-20 taun), ke mega lebih 50 peratus raban nya, beratika baru pelin pinchin raban nya lalu ketegal nya mega KWSP bebendar ngelakuka Servis Lalau Maya Pinchin (RAS) dikena ngembing lalu nyaga duit simpan sida.

Mereka diperansang beratika mayuh bengkah chara beranakka puku enggau nyimpan dikena nyeliahka duit turu simpan sida enda umbas ila.

Penyanding Penemu RAS KWSP Petaling Jaya, Mogana Murugan madah, sebagi besai raban nya nadai duit simpan ke chukup dikena beridup pengudah pinchin.


“Bepelasarka batang kuantum duit simpan ti dikeluarka KWSP, penyampau minimum dalam batang deposit iya nya penyampau ke udah ditentu nitihka umur dalam Akaun 1.

“Penyampau batang duit simpan ditetap nitihka umur, ke alai raban nya ngembuan ambis nadai RM228,000 (tauka RM950 ke belanja ninting bulan pengelama 20 taun) dalam akaun KWSP sida nyerumba umur 55,” ku iya ba aum media lebuh ke meri penerang pasal RAS empai lama udah. — DayakDaily