39,231 nembiak taun satu di serata negeri belabuh besekula pagila

Classroom. — DayakDaily.com file pic. // Photo: Pixabay

KUCHING, Jan 1: Bisi 39, 231 iku nembiak taun satu deka besekula pagila.

Pengarah Opis Pelajar Negeri, Rakayah Madon madahka, sida deka direjista ba 1,265 buah sekulahl primari di serata negeri Sarawak, ke ngembuan semua 240,676 iku nembiak

“Nembiak ke masuk form satu bisi 35,950 iku, ti ngujungka semua penyampau nembiak sekula sekondari ari kelas peralihan nyentuk form lima di 190 buah sekula sekondari di serata negeri 186,784 iku nembiak,” ku iya ba sebengkah penerang kemari.

Taja pia ku iya, penyampau nya enda nyengkaum rejista laun ke semina ulih ditemu minggu baru.

“Di serata Sarawak, bisi 5,881 iku nembiak ari 81 buah sekula deka masuk form enam, ke alai 203 iku ari nya belajar ba enam sekula aliran agama.


“Lebih nya deka belajar di 75 sekula biasa ba aliran sains enggau sains sosial,” ku iya. — DayakDaily

Share this article!