Beribu iku peranak Kuching begulai enggau KM nyambut penatai 2018 demalam

Fireworks. — DayakDaily.com file pic. // Photo: Pixabay

KUCHING, Jan 1: Taja pan hari ujan tang nya enda tetagangka lebih 10 ribu iku peranak bandaraya tu nyambut Taun Baru 2018 ba Waterfront Kuching.

Pengerami renggat negeri tu sama bisi digulu Kepala Menteri, Datuk Patinggi Abang Johari Tun Openg enggau bini iya.

Kelimpah beperindang, pengerami nya disempulang enggau pengawa ngelancharka bup “Colourful Icons Of Sarawak” pengudah Kepala Menteri ngenataika jaku pandak.

Nangkanka nya, pengerami ditampung enggau ‘countdown’ sebedau program ke penudi endar, mandangka bungai api ari Jematan Emas Darul Hana.

Tu pengerami keterubah nyambut Taun Baru Abang Johari pengudah nyadi Kepala Menteri Sarawak. — DayakDaily


Share this article!