Dikarang Chris Bishop
KUCHING, Mei 26: Pengerami Gawai diatur di Godown Amphitheatre, Waterfront Kuching malam tadi dikena ngerichah musin pengerami taun tu.
Dikemujur Menteri Muda Undang-Undang enggau Adat Bumiputera, Datuk John Sikie, pengawa digulu raban temuai ti ngarika mayuh bengkah pupu bansa sereta temuai ari menua luar.
Bela datai Sapit Manager Besai ke mega Direktor Bagi Dagang Temuai enggau Hospitaliti Gempung Pemansang Ekonomi Sarawak(SEDC), Edwin Abit.
Ba jaku bejadi pengerami, Sikie madah Gawai diintu bansa Dayak kena Jun 1 ninting taun lalu ngelaika pengawa ngetau udah tembu.
Pemanah taun tu ku iya, Gawai diintu begulai enggau pengerami Hari Raya Aidilfitri ke diintu 4 hari pengudah Gawai.
“Pengerami ke diintu di Waterfront Kuching tu deka nyaup ngelakuka main asal Sarawak,” ku iya.
Sikie ba pengerami nya bisi ngagihka kek enggau ruti Gawai ngagai temuai ke datai seraya sida beperindang enggau tanda enggau muzik ke bisi dipandang raban nembiak ari Sekula Seni Sarawak. — DayakDaily
