UPSR deka disilih ngena sistem bukai ba maya ke patut ila

Menteri Pendidikan Datuk Seri Mahdzir Khalid

KOTA KINABALU: Menteri Pendidikan, Datuk Seri Mahdzir Khalid madah, Ujian Pencapaian Sekolah Rendah (UPSR) deka diteruska nyentuk ke disilih ngena sistem bukai ba maya ke patut.

Ku iya, pansik ngelala sistem ke engkeman ti bekaul enggau sekeda opis ke bekaul nyengkaum apai indai benung dipejalaika.

“UPSR agi dikena nyentuk ke datai ba maya ke patut, baru kitai nyilih ” ku iya pengudah nemuai ngagai Sekolah Kebangsaan Sri Gaya beratika gaya peresa UPSR ke berengkah di setata menua kemari.

Nyempulang iya Ketuai Sekretari Opis Menteri Pelajar, Datuk Seri Alias Ahmad; Ketuai Pengarah Opis Pelajar, Tan Sri Dr Khair Mohamad Yusof enggau Pengarah Opis Pelajar Sabah, Datuk Maimunah Suhaibul.

Taun tu bisi 443,794 iku chalun UPSR di serata Malysia nyengkaum urung 44,000 iku nembiak di Sabah ngambi peresa nya.


Share this article!