Bala nembiak diperansang nambahka pengelandik nengah MYTV, Mobile CTC

Deputy Chief Minister Datuk Amar Douglas Uggah Embas

BETONG: Bala nembiak ti udah nembuka pelajar ba tikas SPM enggau STPM tang empai bisi kereja di Sarawak, diperansang masuk program Transformasi Vokasional Belia (MYTV) enggau Pusat Transformasi Bergerak (Mobile CTC) ke nyadi sebengkah inisiatif perintah enggau ejensi ke bekaul, ngiri latih pengelandik ngagai raban tu.

Sapit Kepala Menteri Datuk Amar Douglas Uggah Embas ke bejaku lebuh nutup Program MYTV di Spaoh, ngarapka peluang nya dikerebut bala nembiak di menua pesisir ke lalu empai bisi kereja.

Ku iya, pengudah ngulu kus nya ti dipejalaika pengelama dua minggu, raban nya deka mudah agi minta kereja.

Ku Uggah, pengurang pengereja pengawa ke jelan iya pengelandik ba raban nembiak udah ngujungka urung 150,000 iku pekereja ari menua luar dibai tama ngisi peluang kereja di nengeri tu.

Pesereta MYTV tau milih majak nambahka pengelandik dalam bidang teknikal di kolej komuniti enggau vokasional ngambika ulih nyadi pengereja pengawa ke landik tauka ngepunka dagang dalam bidang kulinari, pemajik enggau betukang.


Kenyau ditumbuh dalam taun 2015, sepenyampau 991 iku nembiak di nengeri tu dilatih dalam bemacham bidang pengelandik teknikal enggau vokasional.

Share this article!