UPP semampai meri sukung penuh ngagsi GPS – Wong

KUCHING, Julai 18: Parti Rakyat Bersatu (UPP) semampai sedia negika pemerat enggau hak Sarawak nyengkaum nuntut hak ngemansut minyak enggau gis sereta operasi.

Bejaku lebuh nutup jurai Opis Menteri Dagang Entarabansa enggau e-Dagang ba Aum Dewan Kunsil Negeri (DUN), Presiden UPP Datuk Sri Wong Soon Koh madahka sida sedia nyukung pengawa Kepala Menteri Datuk Patinggi Abang Johari Tun Openg ti nuntut sereta mayung hak negeri tu.

UPP bedanji meri sukung penuh ngagai GPS, ku ADUN Bawang Assan nya.

Nengah awak nya, iya pengasih Perintah Besai bekerejasama mulaika hak Sarawak ke majak lenyau.

Ku iya, nadai undang-undang di Malaysia ngelui ari Sempekat Malaysia (MA63) ti ngembuan intu kelebih agi ungkup Sarawak enggau Sabah.

Wong mega bisi nyebut baru sentang Akta Pemansang Petroleum (PDA74) ti dikumbai iyaenda ulih ngubah hak ke udah bisi dalam MA63.

Wong minta Perintah Besai ari baruh Pakatan Harapan nagang pengawa Petronas bekaul enggau PDA74 nya.

Ngenang pasal sukung rayat ngagsi GPS, ku iya, belajar ari Pengawa Bepilih Besai Ke-14 (PRU14) tu tadi ke alai Barisan Nasional (BN) pusat udah alah, GPS meseti nyendiaka diri manah agi ba Pengawa Bepilih Kunsil Negeri (PRN) Ke-12 ke deka datai. ā€” DayakDaily