KUALA LUMPUR: Perintah deka fokus agi ngagai pekara ungkus pengidup enggau pengawa berumah dalam Bajet 2018.
Tu siti ari chara ngangkatmanah ikas pengidup enggau pengelantang rayat, ku Menteri Datuk Seri Najib Tun Razak.
Perintah mega deka beratika angka makro ti majak manah kelimpah ari fokus ngagai ekonomi rayat.
“Rizab antarabansa kitai udah manggai ba penyampau ke pemadu tinggi dalam sejarah kitai.Tu ulih dipeda ari gaya mata ringgit ke majak tegap,” ku iya ba aum media pengudah nyadi chairman aum Kaunsil Tetinggi Barisan Nasional di Menara Dato’ Onn, dtu ensana.
Ringgit ditutup ditutup ba renggat ke pemadu tinggi dalam timpuh 10 bulan kena Hari Empat tu tadi dibanding enggau dolar AS.
Rizab antarabansa Malaysia mega nambah ngagai US$100.5 bilion (RM431.7 bilion) kena 30 Ogos, 2017, dibanding AS$100.4 bilion (RM431.0 bilion) kena 15 Ogos 2017.
Najib ke mega Menteri pekara Wang madah, ringgit ke majak tegap sereta ekonomi ti majak manah mandangka polisi menua ba jalai ke betul lalu meri impek ti lebih positif ngagai ekonomi menua.
