Sabah, S’wak chukup dikemerat dalam Bajet 2018 — Rosnah

Budget 2018 was announced on Oct 27, 2017.

PAPAR, Okt 29: Sapit Menteri Kereja Raya Datuk Rosnah Abdul Rashid Shirlin madah, Menteri Datuk Seri Najib Tun Razak chukup ngemeratka Sabah enggau Sarawak dalam Bajet 2018 ti dipejuraika iya kena Hari Lima tu tadi.

Ku iya, nyauka semua sebana rayat kena bungkur bajet ke sekali tu.

“Aku meda bajet tu siti bajet inklusif ke mungkur semua serak rayat,” ku iya lebuh dikerandau Bernama ba pengerami nutupa Program Tintec Agronomia di Kampung Seberang Benoni ditu malam kemari.

Iya ti nyadi Kaban Parlimen Papar madah agih belanja RM1.1 bilion dikena ngemanah rengka infrastruktur di Sabah ulih ngerembaika agi ekonomi negeri, sereta ngangkatka pengidup rayat.

“Kelimpah infrastruktur, kitai mega meda RM1 bilion udah diungkup dikena ngemanahka sekula ti udah jai sereta tuai di Sabah lalu RM1 bilion agi ungkup Sarawak laban gaya sekula ke balat jai enggau tuai di Sabah enggau Sarawak udu nyata,” tambah iya. — DayakDaily


Share this article!