KUCHING, Okt 2: Ulu Paku Jamboree 2018 deka diatur baru kena Okt 6-7 ti deka datai tu.
Nitihka penerang, pekit nya ke diatur taun tu berambaika leka jaku ‘Cycle Into Adventure’ benung nesau mensia mayuh ngambika ngerejista diri nyereta pekit nya.
Pekit nya dibuka ngagai beberapa kategori baka Lelaki Tebuka, Veteran, Nembiak (junior), Tetutup Betong enggau Tebuka Indu.
Ba kategori Lelaki Tebuka, pekit nya bisi nyendiaka perais mata duit RM1,800 ungkup champion, RM1,400 (lumur dua), RM1,000 (lumur tiga), RM500 (lumur empat), RM300 (lumur lima), RM200 (lumur 6 dan 7) lalu RM150 ngagai ti ba penuduk lumur lapan ngagai sepuluh.
Ungkup kategori Veteran, bisi nyendiaka perais mata duit RM 900 ke champion, RM 600 (lumur dua) RM 400 (lumur tiga), RM300 (lumur empat), RM200 (lumur lima), RM100 (lumur enam), RM70 ungkup lumur tujuh ngagai lumur sepuluh.
Ngagai kategori Nembiak (Junior) champion deka mai pulai perais mata duit RM700, RM500 (lumur dua), RM300 (lumur tiga), RM200 (lumur empat), RM150 (lumur lima), RM100 (lumur enam), RM70 (lumur 7 ngagai lumur 10).
Ba kategori Tetutup Betong, champion deka nerima perais mata duit RM600, RM 400 (lumur dua) RM200 (lumur tiga), RM150 (lumur empat) RM 100 (5 dan 6) lalu RM 100 ngagai pesereta ke ba penuduk lumur tujuh ngagai lumur sepuluh.
Ungkup kategori Tebuka Indu, champion deka mai pulai perais mata duit RM600, RM400 (lumur dua) RM200 (lumur tiga), RM150 (lumur empat) RM100 (5 dan 6) lalu RM100 ngagai pesereta ke ba lumur tujuh ngagai lumur sepuluh.
Pesereta ke deka masuk pekit nya dipinta mayar bayar masuk RM60 siku.
Pekit tu diatur pampang Parti Pesaka Bumiputera Bersatu (PBB) Betong nengah kerejasama enggau Majlis Perbandaran Betong sereta disukung beberapa ejensi perintah enggau NGO baka Opis Polis Betong, Opis Perengka Pengangkut Darat Betong,
Pekit tu deka ditutup kena Oktober 6, 2018.
Penerang ke silik agi tau ditanya ngagai Amy ba lumur 103 800 6109, Douglas (019 836 8676) enggau Nazri (012 725 5537). — DayakDaily
