Tujuh iku bakal ba penusah bas ekpres tepawah ke tisi jalai di Engkilili

DayakDaily.com file pic. // Photo: Pixabay

SRI AMAN, Julai 4: Tujuh iku bakal nyengkaum siku nembiak mit ba penusah bebadi sebuah bas ekspres di San Tabut, Engkilili demalam.

Penulung Pengarah Operasi Bomba enggau Penyelamat Negeri, Tiong Ling Hii madah, bas ekspreske bebadi iya nya Bus Asia diempu kompeni Biaramas nya nyadi tumu malam tadi.

Ku iya, Bomba enggau Penyelamat nerima berita nya urung jam 7.37 malam ke alai dua buah injin FRT enggau dua buah ambulans EMRS sereta 18 udah dianjung ngagai palan nya ari Balai Sri Aman enggau Betong.

“Unit EMRS ngubat sida ke bakal lalu nganjung tiga iku ke Sepital Sri Aman.

“Empat iku ke bukai diperubat bala paramedik sepital ba palan nya.

Lebuh penusah nya nyadi, bas ke mai 41 penumpang nyengkaum deriba bas benung dalam pejalau ari Kuching ke Miri.

Bas nya tepawah ke tisi jalai pengudah nguji nyeliahka terbabas sebuah lori treler ke diengkah ba tisi jalai ketegal pechah tayar. — DayakDaily