KUCHING, Julai 4: Batang penatai pemisi Sarawak mengkang diulih ari pemansut minyak enggau gis sereta sawit ditangkanka asil kayu.
Ku Sapit Kepala Menteri Datuk Amar Awang Tengah Ali Hasan, suku keterubah 2018, penyampau eksport kayu enggau produk kayu Sarawak iya nya RM1.3 bilion.
Ba Seminar Nguna Kayu Dalam Struktur Begaga di Kuching, Awang Tengah ke mega Menteri Pemansang Mengeri enggau Pengeraja Asal Kedua madah, menua ngeksport papan lapis ke Jepun enggau Korea.
Kompeni Jepun ngimport kayu lapis Sarawak lalu memproses sereta nambahka rega papan lapis nya nguna teknologi baru.
Taja pia ku Awang Tengah, ngaku penyampau eksport hasil kayu bisi nurun dibanding enggau penatai pemisi RM1.7 bilion ungkup suku keterubah 2017. — DayakDaily
