KUCHING, Nov 30: Sapit Menteri Besai Singapura, Tharman Shanmugaratnam temegah ati enggau Kepala Menteri, Datuk Patinggi Abang Johari Tun Openg pengudah tiga hari nemuai ke Sarawak, empai lama udah.
Ku iya, Shanmugaratnam balat agi temegah pengudah nemu Sarawak diatu udah nguna l sistem bayar e-wallet ti dikelala “Sarawak Pay”.
“Iya tekenyit laban bisi Sarawak Pay, ke alai semua utiliti diatu semina nguna telefon.
“Gabenor Bank Negara mega tekenyit lalu iya udah setuju nikika penyampau tatak transaksi Sarawak Pay aripa RM200 ngagai RM3,000,” ku iya lebuh bejaku ba Pengerami Taun Ke-20 Penumbuh Perguruan An Nur di Hotel Hilton, malam ensana.
Sama bisi datai ex-TYT Sarawak, Tun Pehin Sri Abang Muhammad Salahuddin Abang Barieng, Presiden Rumpun Silat Sarawak, Haneef Ali, Adun Tupong, Fazruddin Abdul Rahman, Guro Silat Perguruan An Nur, Wan Hussin Wan Ali enggau penengkebang, Wan Ali Tuanku Helmi. — DayakDaily
