SRI AMAN, Nov 30: Pemesai Eksekutif Amanah Saham Nasional Berhad (ASNB) Sri Aman, Mark Mc Vernon Young meransang pengereja pengawa perintah beranakka puku nengah chara putung ari gaji laban nya siti ari chara ke mudah.
Iya madah munyi nya lebuh ke merj licha bekaul enggau pemanah beranakka puku dalam ASNB ngahai bala pengajar enggau raban Sekula Primari Abang Leman ditu bedau lama udah.
Ku iya, beranakka puku nengah chara putung gaji ulih nentuka duit ke ditaruh nya konsisten sereta meri empas positif.
Ku iya, beratika ubah dunya enggau ke guna diatu, perambu ba pekara wang nyadi agenda ke pemadu beguna dalam pengidup sesiku.
“Merambu ukai semina ke sehari tu tang merambu ungkup jemah ila ke diri sebilik dikena nyeliahka penanggul ba pekara belanja maya udah tuai ila,” ku iya.
Ku iya, pelajar beranakka puku siti ari agenda ke pemadu beguna dipangku Permodalan Nasional Berhad (PNB) enggau ASNB ke pemaik bala pemeranak puku ari semua serak mensia mayuh.
ASNB enda netapka penyampau duit taruh tauka penyampau gaji ke diputung laban batang tuju iya nyangambika nemu naruh duit. — DayakDaily
