KUCHING, April 12: Timpuh 11 hari ke diberi dikena bekimpin maya Pegawa Bepilih Besai Ke-14 nya chukup, pia ku Mandal Parti Pesaka Bumiputera Bersatu (PBB) Datuk Abdul Karim Rahman Hamzah.
Tu ku iya, laban semua parti politik udah berengkah bekimpin beberapa bulan tauka taun ke udah.
“Timpuh (11 hari bekimpin) nya chukup laban semua parti politik udah bekimpin dalam kandang beberapa bulan tauka taun ke udah, nya kebuah SPR netapka timpuh bekimpin semina 11 hari,” ku Abdul Karim ke mega Menteri Dagang Temuai, Art, Main Asal, Nembiak Lumba enggau Main.
Iya bejaku munyi nya ngenang pemadah ari SPR ti netapka timpuh bekimpin ungkup PRU14 berengkah ari pengawa ngantung nama kena April 28 nyentuk ke Mei 8.
Semua peranak Malaysia deka muai undi kena Mei 9 (Hari Tiga) ti udah ditetap Opis Menteri Besai nyadi hari diau ngambika semua pengundi ulih bejalaika tanggungpengawa sida. — DayakDaily
