Raban kompeni ngaga tekat hidroelekterik Baleh nemuai meri basa ngagai CM

Abang Johari (empat dari kiri) merakam gambar kenangan bersama Feng Jun (tiga dari kiri) dan Masing (empat dari kanan) semasa kunjungan hormat di Kuching.

KUCHING, April 12: Direktor Dagang Entarabansa Gezhouba Group Co.Ltd, China, Feng Jun enggau raban iya udah nemuai meri basa ngagai Kepala Menteri, Datuk Patinggi Abang Johari Tun Openg ba opis iya kemari.

Kompeni menua China nya tebilang nama di dunya ngaga tekat ai sereta ngembuan peneleba ngaga sereta bepeneleba ngaga tekat hidroelekterik.

Tuju penemuai nya laban deka nerang ngagai kepala menteri sentang chara ngemansang sereta ngaga Tekat Hidroelekterik Baleh laban kompeni nya ngembuan peneleba ngaga tekat ai ke sebaka di menua China.

Raban ari China nya disempulang Sapit Kepala Menteri ke mega Menteri Pemansang Infrastruktur, Tan Sri James Jemut Masing ti madahka pengawa ngaga tekad ai nya deka berengkah ba bulan Oktober ke deka datai tu.

Masing ke mega Kaban Kunsil Negeri Baleh madah, projek nya ke beungkus RM 9 bilion deka ngangkatka ekonomi di Bagi Menua Kapit.


Projek nya disadang tembu dalam timpuh lapan taun lalu dijangka nyendiaka 3,500 pengawa puang. Iya arapka peranak ngelingi Kapit deka beambi ulih ba peluang kereja ti disediaka ba tekat ai sereta ulih meri penatai pemisi ke manah. — DayakDaily

Share this article!