KUCHING, April 12: Pengawa ngemanah jalai alun ke sepenyauh 43.2 kilometer ti nyambung Miri ke Marudi dk pelilih utara Sarawak lanchar sereta tumu ari pelin asal iya nya 30 bulan.
Ku Cahya Mata Sarawak Bhd (CMSB), nyentuk Mac 25, kereja ngaga jalai nua udah tembu 49.28 peratus tembu dibanding enggau tagit 42.87 peratus tauka 6.41 peratus ari timpuh ditetap.
CMS Roads Sdn Bhd nagit kereja nya tembu 68 peratus nyerumba kemisi Gawai Dayak (pun Jun) dikena nentuka pengelanchar pejalai mensia mayuh enggau mega musim kemisi Hari Raya Aidilfitri (tengah Jun) ku CMSB ba sebengkah penerang kemari.
Ketuai Pemesai Eksekutif Kumpulan (Operasi) Goh Chi Bing, madahka kompeni nya gaga amat ati enggau pemansang nya taja pan betapi enggau sekeda pemar mai kereban ngagai endur kereja, gaya hari, pematut muka jalai ke guna mensia mayuh naka ke ulih, tang projek nya jampat agi tembu ari ke ditimpuh.
CMSB sebuah kompeni ke tebilang dirintai ba makit besai Bursa Malaysia. — DayakDaily
