JOHOR BAHRU, Sept 10: Gaji minimum diperambu ditiki nyentuk RM1,500 enggau lengkas ngambika mayuh agi rayat terus gawa di menua tu lalu kurang bepanggai ba pekereja menua luar.
Chairman Komiti Penguna, Pengatur Pengereja Pengawa enggau Penyerakup negeri, Dr S Ramakrishnan madah, peniki gaji nya mega setipak enggau ungkus idup ke majak nambaj kelimpah matak pekereja menua tu empu.
“Gaji minimum tu beguna amat, kami dekaka nya ditiki ngagai RM1,500 tang semina ditiki naka RM1,050 ke mimit aja ngujungka pekereja enda puas ati,” ku iya madah ngagai pemberita maya program Projek Ngerejister Anak Malaysia di Dewan Kuil Arulmigu Sri Rajamariamman ditu kemari.
“Beratika gaya menua diatu, enda mega myalahka perintah tang gaji minimum tetap patut ditiki laban enti enda tau ngujungka pekereja menua tu gawa ngagai menua bukai,” ku iya.
Ku Ramakrishnan, ngambika bisi pekereja ke ngembuan mayuh pengelandik, peniki gaji mega nyadi peransang baka ke digaga menua buka ulih ngangkatka pengelandik dalam sektor teknologi enggau inovasi. — DayakDaily
