Tiga sekula di Kapit enggau Kanowit ampuh bah kemari

Flooded road. — DayakDaily.com file pic. //Photo: Pixabay

KUCHING, Nov 25: Tiga buah sekula, dua di Kapit lalu sebuah di Kanowit udah ampuh bah kemari, ti mega ngenusahka 343 iku nembiak enggau pengajar.

Tukang pengerembai berita Komiti Mutar Penanggul Penusah Ngenyit Negeri, Ismail Mahedin madah, sekula ke ampuh bah nya SK Nanga Kain enggau SK Nanga Sempili di Kapit enggau SK Ulu Bawan di Kanowit.

“Dua buah sekula di Kapit nya ditutup tang sekula di Kanowit beoperasi baka selam nyentuk ke jam 4 lemai kemari, pengudah ai bah nya dipeda bisi majak surut.

Opis Parit enggau Entali Ai Sarawak madahka semina ba Stesen Teluk Buing di Kapit aja gaya ai dipeda majak niki manggai ba tikas ti tau meri penusah.

“Tikas ai bah ba Stesen Nanga Merurung enggau Pasar Kanowit dipeda bisi nurun.


“Enda ngirauka ati laban nadai ujan direkod di serata negeri Sarawak diatu,” ku iya baru.

Bah ngenyit nya nyadi ketegal ai pasang lalu nadai orang dipindah ngagai palan ngenduh tau penusah bebadi diripot nyadi, ku iya. — DayakDaily