Duit turu Gerija St Christopher Parish Debak manggai RM1.18 juta dikena ngaga dewan baru

Bible. — DayakDaily.com file pic. // Photo: Pixabay

DEBAK, Nov 25: Ketuai Paderi ba Gerija Saint Christopher, Fr. Ralph Rapu madahka sida udah nerima agih belanja (chek) RM 300,000 ari Kaban Kunsil Negeri Saribas, Mohammad Razi Sitam ngambika bisi dikena ngaga dewan Saint Christopher Parish Hall di Debak.

Dulu ari nya, iya madahka gerija mega udah nerima RM650,000 lalu kedua kali nerima RM250,000.

Semua penyampau duit turu nya diatu manggai RM 1.18 juta deka dikena dewan ti muat endur 600 iku maya ke bisi ngatur pengawa baka nikah, seminar enggau ke bukai.

Taja pia sida agi ngumpul duit dikena ngaga dewan gerija nya ke beungkus RM1.5 juta.

Ralph meri terima kasih ngagai perintah negeri nyengkaum Sapit Kepala Menteri Datuk Amar Douglas Uggah Embas enggau Razi ti udah bebendar nyaup ngemujurka juluk ati raban gerija nya. — DayakDaily


Share this article!