Tiang: Chong patut ngamatka danji

Michael Tiang

KUCHING, Mei 20: Raban Nembiak Parti Rakyat Bersatu Sarawak (SUPP) ngelalau Chairman Pakatan Harapan Negeri Chong Chieng Jen, ke nyadi Kaban Parlimen DAP ari Sarawak DAP patut ngiga jalai sereta nguji ngisi semua danji ngagai rayat Sarawak.

Michael Tiang madah, nya nyengkaum mulaika hak enggau autonomi Sarawak baka ke bisi dalam manifesto enggau pinta baru nyerumba pengawa bepilih besai.

Tiang ngenang baru danji PH enti sida mujur numbuhka perintah, deka nyerenih baru Sempekat Malaysia 1963.
PH mujur numbangka Barisan Nasional dalam PRU14 kena Mei 9 suba.

Semaya nya nyengkaum nikika royalti minyak ngagai 20 peratus sereta meri pulai 50 peratus ari chukai ke digumpul ari negeri tu.

Taja pia, ku iya ba sebengkah penerang dalam dalam aum media nya, Chong madahka pinta nya enda sah agi sereta enda dipajakka.


Penemu Chong nya dibantah netizen enggau pengundi ti ngasaika diri dikemula enggau semaya nya. — DayakDaily