8,000 bungkus kuih raya deka disadung ngagai raban penyaga pengelikun

Datuk Seri Fatimah Abdullah

KUCHING, Mei 20: Sepenyampau 8,000 bungkus kuih raya disedia ngambika diagih ngagai raban penyaga pengelikun enggau penerit adat di negeri tu ke gawa maya pengerami Aidilfitri.

Nya nyadi siti ari chara perintah negeri meri terima kasih ngagai raban penyaga pengelikun enggau penerit adat ke gawa maya nya.

Menteri Pengelantang Pendiau Komuniti, Orang Indu, Ruang Bilik enggau Pemansang Nembiak Mit Dato Sri Fatimah Abdullah madahka Program Sumbangsih Kuih Raya nya deka diagih ngagai 10 ejensi penerima berengkah Mei 23 ini.

Antara ejensi penerima iya nya Angkatan Tentera Malaysia (ATM), Polis Diraja Malaysia (PDRM), Opis Bomba enggau Penyelamat Sarawak, Opis Jil Negeri, Ejensi Peneritadat Maritim Malaysia.

Penerima bukqi iya nya Opis Imigresen Negeri, Opis Kastam Diraja Malaysia, Opis Perengka Pengangkut Jalai, Angkatan Pertahanan Awam Malaysia, Opis Sukarelawan Malaysia enggau Kontingensi.


Proses nyediaka 8,000 bungkus kuih raya sekali tu beungkus RM200,000 ke alai tetiap bungkus ngembuan tujuh bansa baka kek ati pari, kek buah, maruku, biskut bawang, bahulu, serunding daging enggau asi empit. — DayakDaily