Tentuka chalun BN menang besai ba PRU14 – KM

Datuk Patinggi Abang Johari Tun Openg

SARIKEI Mei 5: Kepala Menteri Datuk Patinggi Abang Johari Tun Openg ngansak rayat meri sukung penuh ngagai Barisan Nasional (BN) ngambika teulihka pemujur besai ba PRU14.

Sukung nya beguna amat ngambi ulih mulaika hak tk udah majak lenyau baka ke ngelama tu.

Ku iya, guna meh awak nya dikena milih chalun ke betul ti ulih mai pemsnsang sereta negika hak nengah jalai ke betul.

“Perintah BN endang ulih dikearap ulih mai pemansang ngelama tu ngagai rayat ke mungkur mayuh macham pekara. Nya alai anang entaruhka menua ba orang ti empai temu kotai kuing sida,” ku iya bejaku ba pengerami Ketuai Begulai enggau Rayat ke diatur ba laman Masjid Darul Taqwa Bintangor pagi tadi.

Berebak enhgau pengerami nya, iya ngemendarkanungkup belanja dikena jalai baru ke nyambung kandang menua Mupong ke sepenyauh 5 kilometer ke beungkus RM 5 juta.


Iya mega ngemendarka belanja RM 450,000 dikena ngaga Surau Taman Bintang nyengkaum perambu ngaga Agropark dalam kandang Sungai Siann ngambika ulih ngerembaika pengawa ekonomi ditu. — DayakDaily