MIRI, Ogos 28: Sarawak meri terima kasih ngagai Barisan Nasional (BN) ketegal udah mantu mai pemansang ke negeri tu sebedau tu.
Taja pain, ku Menteri Muda Dagang Temua, Art enggau Main Asal Datuk Lee Kim Shin, gaya politik udah berubah.
Diatu ku iya, komponen BN Sarawak ti diarika PBB, SUPP, PRS enggau PDP setuju pansut ari BN lalu numbuhka Gabungan Parti Sarawak (GPS).
Ku Lee, GPS ngemendarka rayat ngaga pemutus kediri bekaul enggau pemerat rayat enggau negeri.
Tu nyengkaum kuasa imigresen sereta ngaga jaku Inggeris nyadi jaku rasmi kedua.
“Diatu kita ngaga pemutus ke Sarawak lalu kepala kitai iya nya Datuk Patinggi Abang Johari,” ku Lee lebuh bejaku bejadi Pengerami Penumbuh Ke-60 Persatuan Melayu Miri (PMM).
Lee minta rayat nyukung Abang Johari enggau bala ketuai negeri tu ngemujurka pemansang di negeri tu.
Iya minta rayat terus begulai ngenanka penyerakup ti ngemegahka rayat Sarawak ngelama tu. — DayakDaily
