Tanka penyerakup enggau penegap politik ngqmnika ulih nydi negeri maju

Datuk Lee Kim Shin (http://www.dun.sarawak.gov.my)

MIRI, Feb 20: Semua rayat di negeri tu patut ngetanka penyerakup enggau penegap politik ngambika ulih nyapai status negeri maju, pia ku Menteri Muda Dagang Temuai, Art enggau Main Datuk Lee Kim Shin.

Ku iya, penegap penyerakup ke diatu ngemujurka Sarawak nempa chuan pemansang kediri.

“Kitai enda begunaka orang luar masuk champur ba pekara pemansang laban perintah negeri ngembuan chuan dikena ngubah Sarawak,” ku iya kemari.

Ku iya, rayat anang nulak ideologi negatif ti nguji nyarutka penyerakup enggau pengelikun bansa di Sarawak ke dibai orang luar.

“Kitai majak patut beserakup sereta bediri tegap di belakang Kepala Menteri ti deka nempa Sarawak nyadi negeri maju bepemisi tinggi nyerumba taun 2030,” ku iya.

Ku Lee, pengerami ke diintu tetiap pupu bansa ninting taun dirami enggau likun nengah pengawa nyambut temuai.

Asil ari penegap politik meri awak ngagai perjntah merj bemacham projek pemansang belama ngagai semua sukut negeri.

“Rayat nemu ulah ke bebasaka pangan diri enda ngira bansa enggau jalai pengarap ulih neguhka politik pemansang di negeri tu,” ku iya. — DayakDaily