MIRI, Feb 20: Parti Rakyat Bersatu Sarawak (SUPP) deka mantaika orang baru ari raban ketuai kanan parti lalu semina siti dua kerusi deka ngenanka orang lama.
Sekretari Besai SUPP Datuk Sebastian Ting madahka parti nya udah nganjung lebih ari dua nama ke semua tujuh kerusi ti diungkupka ngambi diperunding ketuai besai Barisan Nasional.
“Aku enda nemu chara sida milih chalun tang rintai pandak nama udah disua lalu kitai minta pemutus ke penudi sebedau kitai mantaika nama nya ila,” ku iya.
Sebastian madah, orang baru nya dikearap ulih ngambi pulai kerusi ke endur sida alah ba Pengawa Bepilih Besai ke sebedau tu.
“Kami udah nyendiaka diri kenyau ari taun 2016 ngambika ulih ngambi pulai baru kerusi nya, ba PRU ke deka datai” ku iya.
Ba PRU sekali tu, SUPP deka bediri minta pilih ba tujuh kerusi asal sida iya nya Parlimen Bandar Kuching, Stampin, Serian, Sarikei, Sibu, Lanang enggau Miri. — DayakDaily
