Tanda zapin Johor ditengkebang di Baram Sarawak

Flag of Sarawak. (Matthew A. Lockhart [GFDL (http://www.gnu.org/copyleft/fdl.html) or CC-BY-SA-3.0 (http://creativecommons.org/licenses/by-sa/3.0/)], via Wikimedia Commons)

MARUDI, Jun 25: Jauh di menua ulu Sarawak iya nya di Baram, ditengkebang siti tanda ke tebilang enggau ayun ke chukup lundai sereta penuh basa, iya nya zapin Johor.

Pengawa ngadaka tanda zapin tu asil inisiatif siku guru, Mohamad Syukri Malek, peranak asal Batu Pahat, ti nguji deka ngerembaika nya ba bala anak bansa Kayan kenyau lima taun ke udah.

Diatu, 10 iku nembiak Primari Dua ngagai Enam Sekolah Kebangsaan (SK) Long Pillah, ke mega Raban Ritma Tanda di Baram, dipilih ngenalamka agi penemu ba pengalus tanda nya.

Mohamad Syukri madah, idea nurunka penemu tari zapin Johor ke dikembuan iya ngagai nembiak sekula nya pansut pengudah kepada murid nerima surat pekit Tanda Tradisional Melayu renggat Zon Baram Tengah urung taun 2013.

“Maya nya bala nembiak semina nemu sereta belajarka tanda raban bansa Orang Ulu aja baka Bidayuh, Orang Ulu dan Iban,” ku iya. — DayakDaily