MIRI, Jun 25: Polis udah nangkap siku suspek lelaki asal menua tu empu laban bisi ngereja mayuh macham kes pengawa jai ditu.
Kepala Polis Miri ACP Lim Meng Seah madah, suspek berumur 30 taun nya ditangkap di sebuah rumah di Jalai Taman Piasau pada 12.15 tengahari kemari enggau bemacham barang ke dipechaya asil ari ngeruga rumah.
“Nengah pemujur nangkap suspek, polis pechaya mujur mutarka 15 kes ngeruga rumah sereta enchuri entukar di bandaraya Miri,” ku iya ba sebengkah penerang kemari.
Lim madah, kelimpah kes ngeruga rumah sereta enchuri entukar suspek mega digiga ketegal kes penyalah bekaul dadah enggau mejal.
“Suspek udah ditan riman seminggu ngambika mantu tasat nyidi bala bakih iya ke agi lepas,” ku iya seraya nambah antara barang ke dirampas iya nya Mykad, kad kredit, kad debit orang ke ngempu ruga ti dikeruga sereta kereban ke diguna ngeruga rumah sereta enchuri. — DayakDaily
