Tanah NCR ba Kpg Pueh, Siru Dayak diatu disukat ari baruh Seksyen 6 Undang-Undang Tanag Negeri

Datuk Amar Awang Tengah Ali Hasan

SEMATAN, Mei 2: Pengempu tanah Kpg Pueh enggau Siru Dayak diatu ba renggat kedua ngempu tanah ari baruh Seksyen 18 Undang-Undang Tanah negeri udah bekau tanah sida digazet ari baruh rizab komunal Bumiputera (Pertanian) Seksyen 6 Undang-Undang Tanah Negeri.

Sapit Kepala Menteri Datuk Amar Awang Tengah Ali Hasan madah, tanah ke patut diempu ba kedua-dua genturung pendiau nya patut nengah renggat kedua iya nya Program Nyukat Lot Individu.

Bejaku ba Pengerami Nyuaka Gazet Rizab Komunal Bumiputera Seksyen 6 enggau Surat Pala Tanah Seksyen 18 Undang-Undang Tanah Negeri ba Kem Putra Sentosa, Awang Tengah ngakun bisi 512 kandang endur ke mungkur 838,490 hektar udah disukat, lalu 430 kandang endur ke mungkur 660,126 hektar udah digazet naka Mac 31.

Ba pengerami nya, Awang Tengah ke mega Menteri Pemansang amengeri enggau Pengeraja Asal II bisi nyuaka 30 surat pala Tanah Seksyen 18 Undang-Undang Tanah Negeri ungkup endur diau alai 27 pengempu tanah Adat Bumiputera (NCR) Telok Serabang/Telok Melano.

Nya mega tambah ngagai 235 surat pala tanah ungkup peranak ba kandang menua nya kena April 30, 2016.


Naka ke diatu, bisi 45 kandang menua ke mungkur pemesai 23,919 hektar udah disukat ti mungkur 19,758 lot di serata Sarawak.

Ku Awang Tengah, ari penyampau nya 7,609 lot udah dikeluarka surat pala tanah. — DayakDaily