KUCHING, Jan 26: Tabung Darah Sepital Besai Sarawak (HUS) agi begunaka bekal darah B, A, O enggau AB belama ke guna bala pesakit di sepital.
Diatu HUS suntuk bekal darah B enggau O.
Tabung Darah HUS ngelaluka orang ari luar nyengkaum gerempung enggau serakup ke bisi ati ngatur Kimpin Meri Darah dikena mantu nentuka bekal darah chukup sereta bisi belama.
Sebarang penerang enggau tanya tau dikenatai ngagai Tabung Darah Sepital Besai Kuching nengah lumur 082 276797/ 276795.
Tabung Darah HUS Kuching deka majakka kimpin berengkah pagila, Jan 27-28 tu di empat endur ngelingi Kuching.
Palan keterubah, kena Hari Enam, Jan 27: Surau Darul Hijrah, Bandar Baru Samariang diatur komiti surau nya berengkah 9 pagi nyentuk pukul 2 ngalihari.
Palan kedua ba hari ke sama, Jan 27: Eastern Mall, Batu 17, Jalai Kuching-Serian diatur Tabung Darah HUS, berengkah 10 pagi nyentuk 3 lemai.
Palan ketiga, kena Hari Minggu, Jan 28: Glassroom, Ringkat 2, Palan Bebeli Barang Boulevard, anjuran Kuching Lifecare Society, bermula 10 pagi hingga 2 petang.
Lokasi keempat, pada Ahad, Jan 28 : Gerija St. Mark, Jalai Batu Kawa diatur gerija nya berengkah 10 pagi nyentuk pukul 2 ngalihari.
Ngagai orang ke enda sempat meri darah, kaunter meri darah dibuka tiap hari, nyengkaum jam maya ngetu tauka belelak gawa tengah hari, berengkah pukul 8 pagi nyentuk 4.30 lemai.
Tabung Darah HUS bisi nyendiaka palang endur engkah entukar ba palan khas di mua bangunan nya ngambi ngemudahka orang ti meri darah.
Sebedau meri darah, orang ke deka meri darah nya dilalau belelak enggau chukup tauka tindok urung lima jam.
Sida mega diperansang makai dulu sebedau meri darah. — DayakDaily
