Perintah bebendar deka mutarka isu tanah NCR

Datuk Amar Douglas Uggah Embas

KUCHING, Jan 26: Isu Pemakai Menoa enggau Pulau Galau (PMPG) ti angat dikejakuka diatu dalam media sosial nyentukka bisi sekeda nya nuduh perintah nadai penyinu ngagai pengempu tanah.

Nimbal pekara nya, Sapit Kepala Menteri Datuk Amar Douglas Uggah Embas madah, perintah semampai berunding sereta rasional ngagai isu nya nengah chara holistik sereta ulih diterima.

“Sehari tu (kemari) tuduh nya salah lalu perintah beratka isu nya lalu udah ngempuri semua ketuai raban bansa berandauka pekara nya.

“Isu PMPG ukai isu Dayak aja laban etnik Bumiputera bukai mega bisi kaul lalu siti penemu meseti dipesetuju semua,” ku iya.

Ex-Kepala Menteri niang Pehin Sri Adenan Satem ku iya, ngambika ketuai diatu ngiga chara je pemadu manah dikena mutarka penanggul PMPG.


“Kami berasai lantang ati laban perintah milih chara politik renggat ke baruh dikena mutarka penanggul PMPG,” ku iya.

Pengudah Datuk Patinggi Abang Johari Tun Openg megai perintah negeri ku Uggah, Abang Johari lalu numbuhka siti komiti endang ungkup ngiga chara mutarka penanggul nya.

Ku iya, komiti nya nerima mayuh langgur penemu ari gerwmpung ukai dikuasa perintah (NGO) enggau raban bansa di serata negeri.

“Penanggul tu besai sereta udah matak penatai bala mayuh berandauka pekara tu.

“Kami udah nyerenih semua penemu ari NGO enggau mensia mayuh” ku iya. — DayakDaily