Menteri Pelajar setuju datai meda kediri empu penanggul sekula di Sarawak

Classroom. — DayakDaily.com file pic. // Photo: Pixabay

SIBU, Jun 25: Isu penanggul sekula tuai sereta repuk enggau penanggul bekal minyak diesel nyadi isu ke dikerandau Perintah Negeri Sarawak enggau Opis Menteri Pelajar Malaysia.

Menteri Muda Pelajar enggau Pansik Teknologi, Dr Annuar Rapaee madah, “Kami udah betemu enggau Menteri Pelajar, Dr Maszlee Malik tang randau nya semina fokus ngagai penanggul sekula tuai sereta repuk enggau bekal minyak diesel.”

Ku Annuar, keterubah iya nya isu sekula tuai enggau repuk, kami udah ngenataika perambu Menteri Pelajar ngambika sekula ti patut dikemerat ba renggat udah tu iya ke suah napi penanggul ampuh bah.

“Nya alai kami madah ngagai Yang Berhormat Menteri ke.alai kami ulih meri agih belanja ngagai sekula nya dikena ngemanah tiap taun ketegal ampuh bah, tang nya ukai chara ke pemadu manah dikena mantu sida tang ke pemadu betul ita nya mindahka ngagai endur baru sereta ngaga sekula baru,” ku Annuar.

Tambah Annuar, Menteri Pelajar setuju datai ke Sarawak meda gaya sekula ditu.

Ku Annuar, sentang penanggul bekal minyak diesel, kami udah mutarka penanggul nya lalu pemekal minyak diesel setuju mekalka diesel taun tu lalu aku arapka penanggul diesel enda agi nyadi di sekula di Negeri Sarawak.

Annuar dikerandau pemberita lebuh ke ngulu ‘Majlis Rumah Terbuka’ ke diatur Serakup Graduet Bumiputera Sibu kemari. — DayakDaily