SUPP enggau UPP deka nyain MoU lemai tu

Signature. — DayakDaily.com file pic. // Photo: Pixabay

KUCHING, Mac 23: SUPP enggau UPP dijangka deka nyain memorandum pemereti ati (MoU) lemai tu lagi.

Nitihka pemadah, MoU nya deka disain sepenembu aum kunsil besai Barisan Nasional ba indu opis PBB pukul 3.30 lemai tu lagi.

Pengawa nyain MoU nya deka besaksika Kepala Menteri ti mega chairman BN chairman negeri Datuk Patinggi Abang Johari Tun Openg.

MoU nya deka nentuka bagi kerusi endur SUPP enggau UPP bediri minta pilih, lalu chalun ari UPP deka bediri minta pilih nengah tikit SUPP.

Ulu lungga nya bisi dibantaika presiden SUPP Datuk Dr Sim Hui Kian, ngagai pemberita pengudah aum komiti kereja tengah parti demalam ke alai semua 7 kerusi asal ke diempu SUPP lalu sida enggai magi penuduk nya.


Kena Mac 18, Ketuai Nembiak UPP Dr Johnical Rayong bisi mantaika pasal nyain MoU, ke patut disain sehari nya tang dilanjar ngagai haribulan bukai.

SUPP enggau UPP sebedau tu sama bisi mansutka penerang ngagai mensia mayuh sentang chalun ti udah diperambu sida.

Aum BN meeting sehari tu dipelaba deka nentu rintai ke penudi chalun BN ungkup 31 iku chalun parliamen di Sarawak.

Taja pia, nama chalun nya deka dibantaika di Kuala Lumpur okena April 2 ila ba sebengkah pengerami ti dipenyadi Menteri Besai ke mega chairman BN, Datuk Seri Najib Tun Razak.

Taja pia Menteri Besai, ba penerang ti dikeluarka malam tadi nyakal endur pengerami nya diatur seraya madahka ripit nya semina berita selebubu media aja.

Ku ripot nya, Najib dipelaba deka mantaika nama penuh 222 iku chalun BN di Putra World Trade Centre kena 2 April, lima hari pengudah iya ngelancharka manifesto pengawa bepilih BN. — DayakDaily